တၢ်ဂ့ၢ်တၢ်ကျိၤဘၣ်ဃး တၢ်ဖးလံာ်က့အကမၣ်လၢ House District 67A အဂီၢ်

ခီဖျိလၢပှၤမၤစရီအတၢ်ကမၣ်အဃိ, Ramsey ခီထံၣ်ပာ်ဖျါကမၣ်ဝဲဒၣ် ပှၤဟ့ၣ်စိတၢ်ဖးစရီ ဒီး အပူၤပာ်ဖျါဝဲဒၣ် ပှၤလၢအသံဝံၤတဂၤအမံၤဒ် Republican Party အပှၤဒိးဃုထၢသးလၢ Minnesota House of Representatives District 67A အဂီၢ်အသိးန့ၣ်လီၤႉ တၢ်ဂ့ၢ်တခါအံၤအပူၤ ပၣ်ဃုာ်ဒီး တၢ်ဖးအလံာ်က့ခဲလၢာ်လၢ တၢ်လီၢ် ၁၁ တီၤလၢ Ramsey ခီထံၣ်အပူၤလၢအအိၣ်လၢ 67A အပူၤန့ၣ်လီၤႉ တၢ်ဂ့ၢ်တခါအံၤ ဘၣ်တၢ်သ့ၣ်ညါအီၤဖဲလၢ တၢ်ဟ့ၣ်စိတၢ်ဖးကတီၢ်စးထီၣ်ဝဲအခါန့ၣ်လီၤႉ တၢ်ဖးသ့ၣ်တဖၣ်ပာ်ဖျါကမၣ်ဘၣ်ဝဲဒၣ် Beverly Peterson ဒ် Republican Party အပှၤဒိးဃုထၢသိးလၢ House District 67A အဂီၢ် လၢ အကဘၣ်ပာ်ဖျါထီၣ် Scott Hesselgrave အမံၤအလီၢ်န့ၣ်လီၤႉ

ဒ်သိးကဘှီဘၣ်က့ၤတၢ်ဂ့ၢ်တခါအံၤအဂီၢ်, Ramsey ခီထံၣ်ကဟ့ၣ်လီၤဝဲဒၣ် တၢ်ဖးလံာ်က့ အသီ ဒီး အဘၣ်သ့ၣ်တဖၣ်ဆူ လီၢ်ကဝီၤဘၣ်ထွဲသ့ၣ်တဖၣ်အအိၣ်န့ၣ်လီၤႉ လၢမံၣ်နံၣ်စိထၣ်အပူၤ, ပှၤဟ့ၣ်တဖၣ်ဖးထီရီၤတဂၤလၢ အဟ့ၣ်စိဝဲတၢ်ဖးန့ၣ် ဆီတလဲအဝဲ သ့ၣ်အတၢ်ဖးလံာ်က့သ့တုၤလၢ တချုးတၢ်ဃုထၢအမူးဘၣ် တနွံအဆၢကတီၢ်ဒၣ်လဲာ်န့ၣ်လီၤႉ

ပှၤဟ့ၣ်စိတၢ်ဖးသ့ၣ်တဖၣ်ဒီး ဟဲဟ့ၣ်တၢ်ဖးလၢနီၢ်ကစၢ်သ့ၣ်တဖၣ်ခဲလၢာ်လၢ အဟ့ၣ်တၢ်ဖးလၢ လါအီးကထိဘၢၣ် ၃ သီဒီးဆူညါန့ၣ် ပှၤဒိးဃုထၢသးအမံၤစရီတကမၣ်ဘၣ်ႉ တချုးလၢတၢ်ဘှီဘၣ်က့ၤ တၢ်ဖးလံာ်က့သ့ၣ်တဖၣ်ဒံးဘၣ်န့ၣ်, တၢ်နီၤလီၤတ့ၢ်ဝဲ တၢ်ဟ့ၣ်စိတၢ်ဖးလံာ်က့ ၁,၁၉၈ ဘ့ၣ် လၢအအိၣ်ဒီးတၢ်ကမၣ်ဆူ ပှၤဟ့ၣ်တၢ်ဖးသ့ၣ်တဖၣ်အအိၣ်န့ၣ်လီၤႉ

တၢ်ကစီၣ်လၢ ပှၤဟ့ၣ်တၢ်ဖးသ့ၣ်တဖၣ်အဂီၢ်

လၢတၢ်လူၤပိာ်မၤထွဲ မံၣ်စံၣ်စိထၣ် ကွီၢ်ဘျီၣ်အထီကတၢၢ်အတၢ်ပာ်လီၤတၢ်ဆၢတဲာ်အသိး, Ramsey ခီထံၣ်ကဟ့ၣ်လီၤဝဲဒၣ် တၢ်ဖးလံာ်က့လၢအဘှီဘၣ်တၢ်ကမၣ်ဝံၤသ့ၣ်တဖၣ်ဆူ ပှၤဟ့ၣ်တၢ်ဖးသ့ၣ်ခဲလၢာ်အအိၣ်န့ၣ်လီၤႉ ပှၤလၢအဒိးန့ၢ်တ့ၢ်တၢ်ဖးလံာ်က့လၢအကမၣ်သ့ၣ်တဖၣ်အဂီၢ် တၢ်လၢအဃုထၢသ့သ့ၣ်တဖၣ်မ့ၢ်ဒ်အံၤ −

နမ့ၢ်တပတံထီၣ်ဒံးဝဲဒၣ်လၢ ကဟ့ၣ်စိတၢ်ဖးအဂီၢ်ဒံးဘၣ်န့ၣ် −

တၢ်မၤပှဲၤက့ၤ တၢ်ဖးအလံာ်က့သ့ၣ်တဖၣ်ကအိၣ်ဝဲဒၣ် လၢလါအီးကထိဘၢၣ် ၃ သီဝံၤအလီၢ်ခံ စရီလၢတၢ်ဘှီဘၣ်က့ၤအီၤဝံၤလၢ Republican Party အပှၤဒိးဃုထၢသး လၢ House District 67A အဂီၢ်န့ၣ်လီၤႉ နပတံထီၣ် တၢ်ဖးအလံာ်က့သ့ဝဲဒၣ်, ဒီး နတၢ်ဖးအံၤ တၢ်ဒိဘၣ်မၤဟူးတအိၣ်ဝဲဒၣ်လၢ တၢ်ကမၣ်တခါအံၤအဃိဘၣ်ႉ

နမ့ၢ်ဒိးန့ၢ်တ့ၢ် တၢ်ဖးအလံာ်က့လၢအကမၣ်, ဘၣ်ဆၣ် မ့ၢ်တဟ့ၣ်ထီၣ်ကဒါက့ၤဒံးဘၣ်န့ၣ် −

ဝံသးစူၤ တၢၤကွံာ်တၢ်ဟ့ၣ် တၢ်ဖးအလံာ်က့လၢအကမၣ်, ဒီး လၢအလီၢ်န့ၣ် နကဒိးန့ၢ်က့ၤဝဲ ဒၣ်အသီန့ၣ်လီၤႉ တၢ်ဖးလံာ်က့အသီအပူၤန့ၣ် နကထံၣ်ဘၣ်ဝဲဒၣ် Republican Party အပှၤဒိးဃုထၢသးလၢ House District 67A အဂီၢ်လၢအဘၣ်တဂၤအမံၤ Scott Hesselgrave န့ၣ်လီၤႉ

နမ့ၢ်တဆှၢကဒါက့ၤ တၢ်ဖးအလံာ်က့လၢ အကမၣ်ဒံးဘၣ်န့ၣ်−

ပှၤဟ့ၣ်တဖးသ့ၣ်တဖၣ်လၢ အဒိးန့ၢ်တ့ၢ် တၢ်ဖးအလံာ်က့လၢအကမၣ် ဒီး ဟ့ၣ်တ့ၢ်တၢ်ဖးမ့ၢ်ဝံၤတနီၤဒီး မ့ၢ်သးအိၣ်မၤလီၤတံၢ်က့ၤ အတၢ်ဖးသ့ၣ်တဖၣ်အဂီၢ် −

  • ကျိၤကျဲ ၁ − ဃုထၢကျဲလၢ ကမၢမၤဟးဂီၤကွံာ် နတၢ်ဖး ခီဖျိ ဆဲးကျိးဆူ Ramsey ခီထံၣ်တၢ်ဃုထၢဝဲၤဒၢးအအိၣ်ဖဲ 651-266-2171 ဒီး ဒုးသ့ၣ်ညါဘၣ် တၢ်ဃုထၢအပှၤဘၣ်မူဘၣ်ဒါ လၢနသးအိၣ်ဟ့ၣ်ကဒါက့ၤတၢ်ဖးအဂ့ၢ်န့ၣ်လီၤႉ တၢ်ဟ့ၣ်ကဒါက့ၤတၢ်ဖး လၢအအိၣ်ဒီးပှၤဒိးဃုထၢအသးအမံၤ လၢအဘၣ်လၢ District 67A အဂီၢ်, ဒ်န့ၣ်အသိး ဝဲၤဒၢးအဂုၤအဂၤသ့ၣ်တဖၣ်လၢ တၢ်ဖးလံာ်က့အပူၤအဂီၢ်, တၢ်ကဟ့ၣ်ဝဲဒၣ် တၢ်ဖးလံာ်က့အသီဆူနအိၣ်န့ၣ်လီၤႉ တၢ်ဖးလံာ်က့ အခီၣ်ထံးတဘ့ၣ်န့ၣ် တၢ်တဂံၢ်ဃုာ်အီၤလၢၤဘၣ်ႉ အန့ၣ်ဒီး နကဒိးန့ၢ်ဘၣ်တၢ်ခွဲးတၢ်ယာ်လၢ ကဟ့ၣ်ကဒါက့ၤ တၢ်ဖးလၢ ဝဲၤဒၢးကိးဖျၢၣ်ဒဲးအဂီၢ် လၢတၢ်ဖးလံာ်က့အသီအပူၤန့ၣ်လီၤႉ  တၢ်ကဂံၢ်ဒွးဝဲဒၣ် နတၢ်ဖးလံာ်က့အသီန့ၣ်လီၤႉ
  • ကျိၤကျဲ ၂ − နမ့ၢ်ပာ်လီၤနသးလၢ တအဲၣ်ဒိးမၤအါထီၣ်နသးဒီး တၢ်ဖးဒီး နတၢ်ဖးလၢနဟ့ၣ်ဝဲဆူ ပှၤစူးကွံာ်တဂၤအဂီၢ်ဘၣ်န့ၣ်, နတၢ်ဖးလၢ District 67A အံၤ တၢ်တဂံၢ်ဃုာ်အီၤလၢ တၢ်ဖးအကျါဘၣ်, မ့ၢ်လၢပှၤတဂၤအံၤ အပတီၢ်တထီၣ်ဘးလၢဝဲၤဒၢးအဂီၢ်ဘၣ်အဃိန့ၣ်လီၤႉ နတၢ်ဃုထၢလၢ ဝဲၤဒၢးအဂုၤအဂၤသ့ၣ်တဖၣ်အဂီၢ် လၢတၢ်ဖးလံာ်က့အပူၤအံၤန့ၣ် ကဘၣ်တၢ်ဆှၢခီဝဲဒၣ်ဆူ တၢ်ဖးလံာ်က့အသီအပူၤဒီး ကဘၣ်တၢ်ဂံၢ်ဃုာ်ဝဲဒၣ်န့ၣ်လီၤႉ လၢတၢ်အိၣ်သးဒ်အံၤတခါအဂီၢ်, ပူၤကွံာ် District 67A အဂီၢ်န့ၣ်, တၢ်ဖးအဂုၤအဂၤသ့ၣ်တဖၣ်ကဘၣ်တၢ်ဂံၢ်ဃုာ်ဝဲဒၣ်ခဲလၢာ်လီၤႉ
  • ကျိၤကျဲ ၃ − နမ့ၢ်ပာ်လီၤနသးလၢ တအဲၣ်ဒိးမၤအါထီၣ်နသးဒီးတၢ်ဖး ဒီးနဟ့ၣ်တ့ၢ်တၢ်ဖးလၢ ပှၤလၢ အတမ့ၢ် ပှၤဒိးဃုထၢသးလၢအသံတဂၤအမံၤ လၢ 67A ဘၣ်န့ၣ်, နတၢ်ဖးလၢ District 67A အံၤ ကဘၣ်တၢ်ဂံၢ်ဃုာ်ဝဲဒၣ်, မ့ၢ်လၢနတၢ်ဖးအံၤ ဟ့ၣ်တ့ၢ်ဝဲဒၣ်ပှၤလၢအပတီၢ်ထီၣ်ဘး ဒံးဝဲဒၣ်အဃိန့ၣ်လီၤႉ လၢတၢ်အိၣ်သးဒ်အံၤတခါအဂီၢ်, နတၢ်ဃုထၢခဲလၢာ် လၢဝဲၤဒၢးတဖျၢၣ်ဘၣ်တဖျၢၣ်အဂီၢ်, ဃုာ်ဒီး District 67A အဂီၢ်န့ၣ်, ကဘၣ်တၢ်ဆှၢခီအီၤဆူ တၢ်ဖးလံာ်က့အသီတဘ့ၣ်အပူၤ ဒီးကဘၣ်တၢ်ဂံၢ်ဃုာ်ဝဲဒၣ်န့ၣ်လီၤႉ